Në fjalën e tij të radhës mbajtur tek protestuesit, pasditen e sotme kreu i opozitës i është drejtuar me një mesazh të ashpër Policisë së Shtetit. Shkak për këtë është bërë dhunimi i dy vajzave binjake nga Fieri, ngjarje e pa raportuar deri më tani në media, por që u artikulua për herë të parë nga kreu i opozitës Lulzim Basha. Ky i fundit kërkoi nga policia arrestimin e autorëve të kësaj dhune brenda mesnatës duke shtuar më tej se nëse nuk bëhet arrestimi i autorëve të kësj ngjarje, polcia duhet të përgatitet për pasojat.
Dje bandat sulmuan dy vajza 29-vjeçare nga Fieri që ishin në protestë. Keni afat deri në orën 24:00 për arrestimin e autorit që është publikisht i njohur për ju. Arrestojeni ose merrni parasysh pasojat. Bandat dhe banditët e kurdisur dhe të paguar nga qeveria e krimit që të godasin qytetarët vetëm e vetëm për bindjet e tyre politike. Ky është fundi i republikës së krimit – tha Basha.
Kreu i opozitës pretendon se ngjarja ka ndodhur dy ditë marë gjatë kohës që dy vajzat nga Fieri ishin tek protesta.
