Kryetari i PD-së, Lulzim Basha shprehet se për të shkëputur zinxhirin e transmetimit të COVID-19, qeveria duhet të shtojë numrin e testimeve.
Lideri demokrat theksoi se numri i ulët i testimeve fsheh të vërtetën e numri të personave të identifikuar më koronavirus, e për pasojë viktimat shënohen gjithnjë e në rritje.
“Për të evidentuar të prekurit nga COVID-19, dhe për të shkëputur zinxhirin e transmetimit, qeveria duhet të rrisë numrin e testimeve. Numri i ulët i testimeve fsheh të vërtetën dhe kushton jetë! Sa më pak testime, aq më pak persona të identifikuar, aq më shumë zgjatet zinxhiri i infeksionit, dhe rritet numri i të infektuarve dhe i viktimave. Sa më pak testime, aq më gjatë vazhdon karantina dhe thellohet kriza ekonomike. Duhet vepruar TANI, çdo ditë e humbur kushton jetë!”