Basha takon Serwer: E nesërmja e Shqipërisë, plot shpresë

Lulzim Basha ndau me ndjekësit e tij në facebook kënaqësine e takimit me Daniel Serwer të cilin e konsideron një mik të çmuar me të cilin thotë se ka bashkëpunuar ngushtë në vitet e anëtarësimit te Shqipërisë në NATO dhe procesit të pavarësimit të Kosovës.

Lideri i opozitës thotë se së bashkë me Daniel Serwer ndanë bindjen se e nesermja e Shqipërisë është plot shpresë pavarësisht gjëndjes aktuale të demokracisë në vend e cila nuk është e mirë.

Pata kënaqesinë ta pres në Tiranë ku bashkë me shqetësimin për gjendjen aktuale të demokracisë, sundimit të ligjit dhe krimit dhe korrupsionit, ndamë bindjen se Shqipërinë e pret një e nesërme plot shpresë dhe mundësi për zhvillim dhe mirëqenie reale dhe të prekshme nga të gjithë shqiptarët. Shqipëria ka vetëm një alternativë, rruga europiane dhe anëtarësimi në BE.