Procesi i dekriminalizimit, reforma ne drejtësi dhe zgjedhjet e lira janë çështjet qe kane dominuar takimet e liderit te opozitës Lulzim Basha ne Shtetet e Bashkuara te Amerikës. Ne Uashington, kryetari i PD Basha është takuar me drejtuesit të Këshillit të Atlantikut dhe ka biseduar me ta rreth ecurisë se procesit të dekriminalizimit, zgjedhjet, reformën në drejtësi si dhe çështje qe kane te bëjnë me sigurinë. Basha e ka konsideruar të paprecedent për një vend anëtar të NATO-s që në Parlament të ulen njerëz me rekorde kriminale. “Garantimi i zgjedhjeve të lira dhe të ndershme, si dhe reforma në drejtësi janë prioritet i çdo shqiptari, përtej simpative partiake”, ka theksuar lideri i opozitës. Ndërkaq, Basha është pritur ne Kongresin Amerikan nga bashkëkryetari i komitetit për Europën Eliot Engel. Edhe gjate këtij takimi ai ka ngritur te njëjtat shqetësime.

 

Leave a Reply

Your email address will not be published.