Lideri i opozitës Lulzim Basha reagoi për dhunën e ushtruar një dite me pare nga policia, ndaj banoreve të bregut të lumit.
Përmes një statusi në facebook, Basha shkruan se kjo qeveri i ka tradhtuar njerëzit e thjeshtë dhe Shqipëria është në mjerim ekonomik, me padrejtësi dhe pasiguri në çdo cep të saj.
Kreu i PD paralajmëron se ata që dhunuan dhe sulmuan me gaz qytetarët do të mbajnë përgjegjësi.
“Të bashkohemi, t’i japim dorën njëri-tjetrit për ti dhënë fund këtij regjimi, për të çliruar drejtësinë, e për të garantuar një qeveri që punon për popullin,”-përfundon Basha mesazhin e tij.
