Lideri i opozitës Lulzim Basha i ka bërë thirrje qeverisë të rrisë numrin e testimeve si masa e parë për te përballuar valën e dytë të pandemisë së koronavirusit. Gjatë një bashkëbisedimi me mjekët Basha ka vënë në dukje se duhen marrë masa pasi sot një qytetari i duhen 10 deri në 14 dite për të marrë përgjigjen nëse është i infektuar apo jo.
LULZIM BASHA
KRYETAR I PD
“Në ato pak minuta që i kushton pandemisë, kryeministri tha se testimi nuk e lehtëson menaxhimin e valës së dytë.”
Basha i ka kërkuar qeverise të rimbursojë shpenzimet që qytetaret bëjnë për tu mjekuar nga cCOVID-19.
“Paketa e trajtimit duhet të jetë 100% e rimbursueshme.”
Basha i ka bërë apel qeverisë të marrë sa më shpejt masa
“Sepse ne këto momente që flasim, në këto orë që flasim ne dhjetëra te tjerë janë infektuar, dhjetëra të tjerë kanë nevojë për trajtim, dhjetëra të tjerë kanë nevojë ndoshta për spitalizimi, e ndoshta edhe njerëz kanë humbur jetën. Ritmet e përhapjes janë të frikshme, janë të tmerrshme e nuk mund të fshihen, as nuk mund të bëhet propaganda me to, as nuk mund të pretendosh që nuk ekziston. Nuk mund të dalë 1 orë e gjysmë, 2 orë i pari i qeverisë duke folur çdo gjë, duke sulmuar opozitën, mjekët, median, e të mos vejë asnjë fashë mbi plagën e COVID-it.”
Basha ka prezantuar një plan me 5 pika i cili parashikon nga rritja e testimeve tek ndihma financiare për qytetaret dhe bizneset, si rruga për tu përballur me valën e dyte të pandemisë.
