Basha: Rama kërkon të shtypë shqiptarët, duhet një qeveri që mendon për njerëzit

Kryedemokrati Lulzim Basha vijon të këmbëngulë se kryeministri Edi Rama duhet të largohet nga qeveria.

Ai tha në “Facebook” se Rama duhet të ikë pasi ka varfëruar qytetarët dhe po tenton t’i shtypë ata.

“Pasi i vodhi e varfëroi për 7 vite dhe i braktisi në ditët e tyre më të vështira, sot Edi Rama po mundohet t’u mbyllë gojën shqiptarëve, t’i shtypë e izolojë. Që ekonomia të rimëkëmbet, që të ulet papunësia dhe shqiptarët të jetojnë në normalitet duhet një qeveri që mendon e kujdeset për njerëzit. Është koha që Shqipëria dhe shqiptarët të shpëtojnë nga e keqja e madhe, RAMAVIRUSI dhe me bashkimin më të madh të sjellim ndryshimin që pret çdo shqiptar.”