Lideri demokrat e zhvendosi fushatën ne jug te vendit. Basha takoi banorët e Sarandës para të cilëve akuzoi Ramën se ka futur vendin në krizë dhe i ka shërbyer vetëm një grushti njerëzish të lidhur me të.
Basha tha se pjesë e marrëveshjes me Ramën është edhe reforma kushtetuese, që i jep pushtet njerëzve ndaj deputetëve. Duke akuzuar Ramën se ka humbur lidhjet me njerëzit, Basha premtoi se do të jetë një kryeministër ndryshe. Basha premtoi rritje të pagave dhe pensioneve, subvencione për bujqësinë dhe ndihmë për sektorin e turizmit.
