Basha, pro referendumit për reformën në drejtësi

Lideri i opozitës Lulzim Basha mbështet votimin me vote popullore te reformës ne drejtësi. Ne një postim ne rrjetin social facebook, kryetari i Partisë Demokratike Basha e ka cilësuar referendumin nje mundësi te shkëlqyer qe qytetaret te shprehen jo thjesht për reformën, por për mënyrën si ka qeverisur Edi Rama. “Referendumi e ka emrin zgjedhje të parakohshme, shansi që qytetarët të cilët me kohë e kanë grisur kontratën me Edi Ramën, të japin gjykimin e tyre përfundimtar për qeverisjen e tij të dështuar, të korruptuar dhe kriminale”, shkruan lideri i opozitës. Ne ketë postim Basha ka lëshuar akuza te forta ndaj kryeministrit dhe qëndrimit te tij se drejtësia nuk zgjidhet me nje pazar politik te shitur për konsensus. Basha thekson se konsensusi që kërkon Komisioni i Venecias, është rruga që e shpëton drejtësinë nga kapja politike, ai zhduk pazarin dhe prandaj kryeministri e ka frike.
“Dhe një drejtësi e pakapur, do të zhvlerësonte armën diabolike që ka Rama, dosjet dhe shantazhet që mban për aleatin e tij Meta dhe kundërshtarët brenda partisë e të korruptuarit e politikës kudo qofshin;” deklaron Lulzim Basha.