Pas vendimit të Gjykatës së Tiranës që gjobiti demokraten Jorida Tabaku, reagoi edhe Lulzim Basha.
Kreu i PD u shpreh në “Twitter” se gjyqtarët nuk e fshehin dot faktin se projekti i Unazës së Re është një aferë korruptive dhe se po bëhet për të plaçkitur shqiptarët.
Ai premtoi se do ta largojë nga pushteti kryeministrit Edi Rama dhe se kjo gjë do të ndodhë shumë shpejt.
“Këto të vërteta dhe bashkimi më i madh i shqiptarëve kundër mjerimit ekonomik dhe padrejtësive të RAMAVIRUSIT, do ta largojnë shumë shpejt këtë bandë dhe drejtësia e pavarur do tu japë ndëshkimin e merituar me ligj për krimet, varfërimin dhe zhvatjen e shqiptarëve dhe Shqipërisë. E vërteta e vetme e këtij KM dhe bufonëve të tij është plaçkitja e shqiptarëve për interes të banditëve dhe oligarkëve të tij. Këtë të vërtetë që i madh e i vogël e di dhe e ka provuar në kurriz, nuk e fshehin dot më as gjyqtarët e korruptuar dhe as regjia e propagandës së lodhur. Babëzia, arroganca dhe shpifja janë trinomi i pandarë i RAMAVIRUSIT që prej 7 vitesh i ka shtyrë shqiptarët drejt shpunësimit, varfërisë dhe krizës. Asnjë marionetë e RAMAVIRUSIT nuk e fsheh dot hajdutërinë e tij në bashkëpunim me trafikantët e drogës tek afera e Astirit.”
Pak çaste më parë reagoi edhe Jorida Tabaku, e cila pavarësisht dënimit që mori për shpifje, tha se do të vijojë me denoncimet e saj.
