Edhe kreu i opozitës në Shqipëri, Lulzim Basha shpërndau një mesazh urimi për qeverine e re të Kosovës.
Basha tha mes të tjerash se qeveria e re ka një sërë sfidash përpara që duhen kaluar me sukses në të mirë jo vetëm të Kosovës por të gjithë rajonit.
Konsolidimi i shtetit, integrimi euroatlantik, mbrojtja e integritetit dhe sovranitetit të Kosovës, janë sfidat, përballimi me sukses i të cilave janë në interes jo vetëm të Kosovës e popullit të saj, por jetike për paqen dhe proceset integruese të krejt rajonit tonë. I uroj punë të mbarë qeverisë së re të Kosovës dhe kryeministrit Hoti në plotësimin me sukses të objektivave strategjikë të Kosovës dhe shërbimin ndaj interesit më të mirë të qytetarëve të saj.
Partia Demokratike e Shqipërisë, shtoi Basha, sot në opozitë dhe nesër në qeverisjen e vendit do të jetë përherë në krah të Kosovës, në krah të qytetarëve të saj, me bindjen e palëkundur se suksesi i Kosovës është sukses i interesit kombëtar të gjithë shqiptarëve.
