Basha nxjerr videon: T’i japim fund tranzicionit rraskapitës, të qëndrojmë përballë të keqes

Kreu i Partisë Demokratike, Lulzim Basha ka publikuar një video nga takimi me Këshillin Kombëtar të PD-së.

Basha thekson se Kuvendi Kombëtar i mbajtur më 18 dhjetorit ishte i qartë dhe se zgjodhi të ardhmen duke u shkëputur nga e shkuara.

“Më 18 Dhjetor Kuvendi Kombëtar i Partisë Demokratike #ZgjodhiTëArdhmen, sot Këshilli Kombëtar nisi punën për ndërtimin e saj. Të bashkuar me mendje e zemër rreth vlerave tona dhe me forcën morale me të cilën qëndrojmë përballë të keqes dhe larg të shkuarës, ne do të bashkëpunojmë ngushtësisht me shoqërinë për t’i dhënë fund tranzicionit rraskapitës e për të hapur një horizont të ri shprese për Shqipërinë dhe shqiptarët”, shprehet Basha në videon e publikuar.