Basha nxjerr audion ku Rama ofendon qytetarin: Ky është Kryeministri!
Kryetari i Partisë Demokratike, Lulzim Basha i ka kujtuar Ramës një audio të tre viteve më parë, ku kryeministri ofendon një qytetar me të cilin po komunikonte në telefon.
Duke e quajtur një gjuhë aspak etike, lideri demokrat e akuzoi më tej kreun e qeverisë se ka hyrë në politikë përmes mbështetjes së ofruar nga grupet kriminale.
“Një nga problemet më të mëdha të kohëve moderne është mundësia që i jepet sharlatanëve politikë të luajnë me kujtesën e qytetareve që bombardohen me një volum lajmesh, propagande, mashtrimesh që është 10 fish se 10 vite më parë. Kjo i jep mundësi sharlatanëve politikë të dalin dhe të hiqen si engjëj, kur në fakt kanë qenë autorët e fjalorit më banal që mund të imagjinojë mendja njerëzore. Këtu në këtë sallë, para qytetarëve në fushata elektorale, në emision televizive apo në komunikim të drejtpërdrejtë me qytetarët. Nuk e kam fjalën për kërcënim për ato që parafolësi i ka pasur biletën e hyrjes në politikë, krah për krah me kriminele, një pjesë e të cilëve janë nën dhen, për shkak të intrigave politike.”
Debati në audio:
Rama: Po ça vodha mor të q***** robt, mor maskara, mor zagar, çfarë vodha unë mor qen?
Qytetari: Që nga teatri
Rama: O rrugaç
Qytetari: Unë rrugaç apo ti që shan?
Rama: Flet me atë sheh në Francë mor maskara
Qytetari: Maskara je ti që vjedh
