Kryetari i partisë demokratike zgjodhi që të jetë në krah të protestuesve në Elbasan në rrotullimin e Bradasheshit këtë të enjte ne aksionin e opozitës për bllokimin e akseve kombëtare për dy orë. Ai shoqërohej krah protestuesve nga dy ish deputetet Edmond Spaho dhe Luciano Boci. Ai ripërseriti qëndrimin e palëkundur se zgjedhje pa opozitën me 30 qershor nuk do të ketë.
“Nëna e të gjithë të këqijave në këtë vend, papunësia, abuzimi, krimi, korrupsioni, etj është vjedhja e zgjedhjeve nga Edi Rama.Duke vjedhur zgjedhjet, Edi Rama ka shkaktuar dëshpërimin më të thellë. Me Ramën nuk ka sigurim, punësim, Europë.Ne Edi Ramën nuk ka punësim masiv, por ka drogë. Jemi për të vendosur largimin e Edi Ramës. Nuk ka më forcë mbi tokë që e shpëton. Ne jemi sot në këtë betejën për më shumë se kaq. Me fitoren e kësaj beteje, do t’i japim fund makthit të varfërisë që ka pllakosur kudo. Do tu japim të rinjve perspektivën e Shqipërisë si e gjithë Europa.Në këtë vend, që nuk i mungon asnjë resurs, por mungon ligji dhe kushtetuta. Kjo betejë ka transformuar Shqipërinë në një mënyrë përfundimtare dhe themelore, Kjo është maxhoranca sociale dhe morale në vend. Ne do ti japim fund tranzicionit të tejzgjatur dhe për të hapur rrugë integrimin në Europë. Pa zgjedhje të lira nuk mund t’i japim fund varfërisë”.
Basha garantoj se protestat e opozitës, sic është ajo e radhës me 11 maj, do të shënojnë fundin e Edi Ramës.
“Sovrani është sot garancia numër një se beteja jonë e drejtë, kauza jonë për liri dhe demokraci do të ketë vetëm një përfundim, mposhtjen e klikës, largimin e Edi Ramës, zgjedhje të lira dhe të ndershme, fitoren e shqiptarëve të bashkuar. Më 11 maj, ditën e shtunë, ne do të kemi protestën tonë të katër kombëtare, në më pak se 3 muaj. Po të mos ishte për bashkimin tuaj sot Shqipëria do të bëhej gati të vendoste duvakun e vendeve aziatike që i nënshtrohen dhunës, sundimit pa ligj, padrejtësisë të uzurpatorëve të paligjshëm të pushtetit, autokratëve e diktatorëve.
