Basha ngre dyshime për kamerat e trupit

Për opozitën, projekti i kamerave te trupit i paraqitur nga policia është thjesht propaganda mashtruese. Nëpërmjet nje deklarate, lideri i opozitës Lulzim Basha, ka theksuar se teknologjia ne lufte kundër krimit është e mirëpritur, por problematika qëndron se çfarë ndodh me te, kur bie ne duart e gabuara. Sipas Bashes, pikëpyetja qe ngrihet ne kete rast është kush do t’i monitoroje kamerat kur Ministri i Brendshëm, takohet ne zyren e tij me vrasës me pagese. Kush do t’i shohë kamerat kur Saimir Tahiri dhe shefi i tij, takohen me banda, a do te funksionojnë kamerat kur Emiliano Shullazi të futet në doganë me makinë të blinduar, pa lënë gjurmë e nishan, – thotë lideri i opozitës.