Kryetari i Partisë Demokratike, Lulzim Basha ka përsëritur thirrjen e tij për të kryer sa më shumë testime për rastet e dyshuara me COVID-19. Ai e cilëson të vetmen mënyrë për të zbuluar sa thellë është futur virusi në familjet tona.
Përmes një postimi në “Twitter”, lideri demokrat shkruan se është përgjegjësi e qeverisë që të mbrojë shëndetin e njerëzve dhe t’i pajisë me mjetet e duhura ekipet mjekësore.
“Testimi masiv është e vetmja mënyrë për të zbuluar sa thellë është futur virusi në familjet tona. Pa testuar, pa gjurmuar, pa izoluar, pasojat do të jenë shumë të rënda! KM po fshihet pas një komiteti te teknik, me shpresë që njerëzit mos ta shohin se sa i papërgatitur është. Është përgjegjësi e qeverisë që të mbrojë shëndetin e njerëzve, të pajisë me mjetet e duhura ekipet mjekësore dhe të mbajë në këmbë ekonominë. Sulmet kundër opozitës nuk i fshehin dot dështimet e tij.”
