Basha në takimin e PPE

Kryetari i Partisë Demokratike Lulzim Basha po merr pjese ne takimin e organizuar nga Partia Popullore Europiane ne Vjene ku ka biseduar me presidentin e PPE Joseph Daul, eurodeputetin Elmar Brok dhe komisionerin per zgjerim Johannes Hahn. Sipas njoftimit te zyres se shtypit prane PD-se, mësohet se Basha ka shprehur shqetësimin e opozitës per krizën ekonomike ne vend, korrupsionin, dekriminalizimin, reformën ne drejtësi si edhe per refuzimin, që sipas tij, mazhoranca i bën zbatimit të vendimeve të gjykatës kushtetuese. “Zbatimi i ligjit te dekriminalizimit është nje kusht themelor për zgjedhje të lira dhe të ndershme” ka deklaruar Basha . Ndersa per reformën ne drejtësi, ai tha se ka mungesë vullneti nga ana e mazhorancës për të bashkëpunuar në frymën e konsensusit politik e ne zbatim te rekomandimeve te Venecias. Pas Vjenes, ne fillim te javes se ardhshme, kryetari i demokrateve udhëton drejt Shteteve te Bashkuara, ku do te takohet me zyrtare te larte te Departamentit Amerikan te Shtetit dhe përfaqësues te kongresit.