Basha në Laç për përmbytjet

Kreu i opozitës Lulzim Basha ka qenë i pranishëm në Laç, ku nga reshjet e mëdha humbi jetën një 48-vjeçar. Basha është ndalur në familjen Menga që humbi mbrëmjen e së hënës kryefamiljarin, në përpjekje për të shpëtuar çka mundej nga përmbytjet. Pasi i ka shprehur ngushëllimet familjes Menga, kreu i opozitës ka ndare me banoret e Laçit, shqetësimet që vijnë pas përmbytjeve ne këtë zone. Ai kërkoi marrjen e masave, ndërsa akuzoi qeverinë se paratë i përdor për fasada dhe jo për të dëmshpërblyer dhe ndihmuar familjet e prekura nga fatkeqësitë natyrore.