Nëse opozita fiton në zgjedhjet e 25 prillit, kreu i PD, Lulzim Basha premtoi rimbursim të shpenzimeve që qytetarët e infektuar kanë kur trajtohen në shtëpi.
Në “Facebook”, ai deklaroi se ky është momenti për të bërë më shumë teste. Basha theksoi se me këtë çështje nuk duhet të bëhet politikë.
“Qytetarët shqiptarë meritojnë më shumë. Më shumë teste, më shumë ndihmë, më shumë zgjidhje. Plani ynë ofron zgjidhje dhe përfshin rimbursimin e plotë të shpenzimeve për personat e prekur me covid që kurohen në shtëpi. Kjo nuk është çështje politike, është çështje për jetë a vdekje!”
Prej disa ditësh, Lulzim Basha nuk i kursen sulmet ndaj qeverisë për menaxhimin e pandemisë.
