Basha: Ndryshojmë ligjin për arsimin

Kryetari demokrat Lulzim Basha premton se menjëherë pasi të marrë pushtetin, do të ndryshojë ligjin e arsimit të lartë, me qëllim ndihmën për familjet në nevojë. Kreu i PD, në një postim në rrjetin social facebook, premton se qeveria e PD do te financoje arsimin e larte per te gjithë fëmijët e shqiptareve dhe me lehtësira te posaçme per kategoritë ne shtrëngese ekonomike. Kjo deklaratë vjen pasi në adresë të kreut të PD-së, mbërriti një letër, siç tha vetë Basha nga një qytetar, i cili nuk mund të paguajë shkollën për fëmijët e tij. Basha shkruan se tarifa që duhet paguar shkon deri ne 1 milion leke te vjetra, çka është e pamundur nga qytetari, i cili jeton vetëm me ndihmën ekonomike prej 45 mijë lekësh të vjetra në muaj.