Të rinjve në Vilë Bashtovë, kryetari i PD Lulzim Basha ju premtoi se do t’ju hapë rrugën e zhvillimit.
Në një takim elektoral që pati me ta këtë të martë, Basha deklaroi se do të fokusohet në arsimin dhe rritjen profesionale të tyre, me qëllim që të marrin në dorë fatet e Shqipërisë.
“Misioni im në politikë është t’i hap rrugën rinisë, asaj pjese të shoqërisë që për nga mendësia, nga përgatitjet, nga ambiciet, sot është njësoj si rinia europiane. Nëse ka një fushë ku Shqipëria tani ka hyrë në Europë, kjo është dëlirësia e shpirtit të të rinjve dhe të rejave shqiptare është aftësia juaj, talenti juaj për tu arsimuar dhe për tu përgatitur profesionalisht, është formimi juaj dhe karakteri juaj. Ndaj misioni im është t’i hap rrugën rinisë dhe të marrë në dorë fatet ekonomike dhe politike të vendit, thënë shkurtë dhe qartë ky është një motiv i fuqishëm dhe ju vetëm ma shumëfishoni tek ju shoh në ballë të përpjekjes, në ballë të fushatës dhe 25 prillit të jetë dita e ndryshimit, dita e fitores për çdo shqiptarë.”
Misioni tjetër i Lulzim Bashës është të forcojë ekonominë e shqiptarëve në çdo fushë, ndërsa nuk la pa përmendur edhe integrimin e vendit në BE.
