Basha me ministrin hungarez: Opozita do të anëtarësojë Shqipërinë në BE

Kryetari i PD, Lulzim Basha deklaroi i bindur se nëse opozita merr pushtetin më 25 prill, Shqipëria do të integrohet në BE. Pas një takimi me ministrin e Jashtëm hungarez, Peter Szijjarto, lideri demokrat tha se anëtarësimi në BE do të arrihet njësoj siç u fut vendi në NATO.

“E garantova se Partia Demokratike dhe Opozita e Bashkuar do të bëjnë gjithçka që pas 25 prillit edhe procesi i Integrimit Europian do të jetë një sukses siç arritëm sukseset e mëparshme për shqiptarët, duke futur vendin në NATO, duke hequr vizat për qytetarët shqiptarë, duke nisur me sukses procesin e anëtarësimit së Shqipërisë në Bashkimin Europian, na takon që së bashku me gjithë shqiptarët pas 25 prillit të hapim negociatat, të përmirësojmë klimën e biznesit, të sjellim investimet europiane, natyrisht është hungareze në Shqipëri në funksion të punësimit dhe të mirëqenies së shqiptarëve.”

Sipas Lulzim Bashës, gjatë këtyre 8 viteve, Shqipëria ka ngelur në vendnumëro për shkak të kryeministrit Edi Rama. Ai garantoi ministrin hungarez se pas 25 prillit do të ketë një erë të bashkëpunimit me Hungarinë.