Lideri demokrat, Lulzim Basha ka akuzuar kryeministrin Edi Rama se darkon me krerët e bandave. Basha tha se takimet mes kreut të qeverisë dhe banditëve zhvillohen në lokalin që ndodhet brenda ambienteve të kryeministrisë.
Po promovove kriminelët, trafikantët, nëse shteti i dorëzon institucionet njerëzve që kanë trafikuar vajzat dhe gratë e Lezhës e gjithë Shqipërisë, nëse Kryeministri jep këtë model, çfarë pret nga specialistët e shtetit. Ndaj duhet ndryshim dhe nuk vjen ndryshimi pa larguar këtë njeri. Edhe ai restoranti privat në Kryeministri,siç e di unë, siç e dinë shumë gazetarë dhe siç e dinë të gjithë, një herë në 2-3 ditë ka krerët e bandave të Shqipërisë. Ata darkojnë me paratë tuaja në restorantin privat të Kryeministrisë.
Lideri demokrat foli dhe për procesin e rindërtimit, ku sipas tij, qeveria po bën përpjekje për të grabitur të gjitha territoret e ndërtesave që po shemben.
Për Ramën rindërtimi ka qenë një mundësi më shumë për të vjedhur para. E njëjta gjë dhe me ndërtimet në qytet. Në qytetin e Durrësit po bëhen përpjekje për të grabitur troje të ndërtesave që do shemben. Ju jeni 2 vjet në çadra Shqipëria është 8 vite e ngecur në duart e njeriut. Shikoni kush i ka marre tenderat e rindërtimit 37 mln euro vëllai i Safet Gjicit. Darka e Nusretit e tregon mirë ca do bëjnë këta. Në kombinat duan të zhvendosin banorët për tu grabitur pronat. Procesin e rindërtimit e ka parë politikisht
Deklaratat Basha i bëri gjatë një komunikimi me qytetarët në rrjetet sociale teksa po udhëtonte për në Durrës, ndërsa solli si shembull të grabitjes dhe korrupsionit të qeverisë Hotel Vollgën në qytetin bregdetar.
