Edvin Kulluri ka sulmuar ashpër kreun e demokratëve, Lulzim Basha, për të cilin u shpreh se nuk ka aftësi për të fituar “as edhe një katund”, e jo më bashki.
Nga studioja e “Quo Vadis”, ai solli në vëmendje vlerësimet që Basha kishte dikur për Berishën, të cilat u transformuan në akuza të forta pas 9 shtatorit.
“Deri në vitin 2021, fajin e kishim ne, kritikët, sikur ishim të shitur te Edi Rama. Tani thotë fajin e ka Sali Berisha, dje i thoshte babai im shpirtëror , sot na u kthye në komunist. Lulzim Basha zbuloi pas 17 vitesh që Berisha ka qenë anëtar i Partisë së Punës. Ne këtë e kemi ditur. E ka thënë vetë. Janë hipokrizi të mëdha. Kjo mungesë koherence morale, na ka sjellë këtu. Basha nuk fiton dot as edhe një katund.”
