Kreu i Partisë Demokratike, Lulzim Basha ka vazhduar shkëmbimin e replikave me kryeministrin Edi Rama.
Duke i kujtuar premtimet që ka bërë gjatë fushatave elektorale, lideri demokrat i drejtohet Ramës plot bindje se më 25 prill, qytetarët do ta largojnë atë nga pushteti. Ndërkohë, thekson se ka radhur koha që e ardhmja e Shqipërisë të pësojë ndryshime.
“Cfarë lidhje ke ti me të vërtetën, Edi Rama? Premtove shëndetësi falas- gënjeve. Premtove 300 mijë vende pune-gënjeve. Papunësia në Shqipëri arriti majat. Premtove se do ulësh çmimet e ushqimeve dhe ilaçeve-gënjeve. Çmimet vetëm janë rritur. Premtove se do ulësh taksat – gënjeve. Premtove se do ulësh çmimin e energjisë – gënjeve. Po vjen dita të largohesh gënjeshtar. Është koha për një të ardhme të re për Shqipërinë!”
