Kreu i Partisë Demokratike, Lulzim Basha e nisi ditën duke përsëritur disa nga pikat e programit të tij elektoral për zgjedhjet e 25 prillit.
Basha premtoi se me ardhjen e tij në pushtet çmimi i energjisë elektrike do të pësojë ulje.
Po ashtu, ai u angazhua të japë mbështetje për çiftet e reja e për studentët.
“Angazhohem të ul çmimin e energjisë elektrike dhe çmimin e karburanteve. Do t’u vij në ndihmë të gjitha familjeve shqiptare dhe sidomos çifteve të reja. Do të mbulojmë tarifat për 90% të studentëve. Shqipëria ka nevojë për një kryeministër të ekonomisë, dijes dhe arsimit”, tha Lulzim Basha në “Facebook”.
