Basha: Betejë kundër drogës!

Edhe këtë të enjte ne seancë plenare, kultivimin dhe trafikun e hashashit, opozita do t’i shndërrojë në “kalin e betejës” kundër qeverisë. Pas mbledhjes së grupit parlamentar të Partisë Demokratike, kryetari Lulzim Basha, foli për aleancën e krimit dhe drogës, që nuk do të mund të mbyllin gojën e opozitës. Për të luftuar këtë të keqe të madhe, Basha bëri thirrje për ndërtimin e një koalicioni të madh vlerash. Prej kohësh, opozita ka akuzuar qeverinë, në mënyrë të veçantë kryeministrin Rama dhe Ministrin e Brendshëm Tahiri, si përgjegjës të përkeqësimit të narkotrafikut në Shqipëri.