Basha: Atentati ndaj prokurorit, luftë mes bandave në pushtet

Kreu i Partisë Demokratike, Lulzim Basha ka komentuar ndalimin e Redjan Rrajës i aferm me deputetin socialist, Rrahman Rraja, si një ndër autorët e dyshuar i përfshirë në atentatin e prokurorit Ndoja.

Kryedemokrati në fjalën e tij është shprehur se kjo është në vazhdën e psohtërimit të PS, në vazhdën e poshtërimit të qytetarëve shqiptarë.

“Fatkeqësisht është në vazhdën e poshtërimit të Partisë Socialiste, në vazhdën e poshtërimit të qytetarëve shqiptarë, sepse tregon që kjo është një luftë e pastër mes bandave në pushtet. Është tregues i qartë i nevojës për ndryshim të menjëhershëm, për zgjedhje të parakohshme, që do t’u kthejnë qytetarëve dinjitetin, të drejtën e votës dhe do t’i fuqizojnë duke zgjedhur në Parlament dhe në qeveri njerëzit që meritojnë të udhëheqin aspiratat dhe dëshirat e tyre për ndryshim. Në funksion të kësaj është edhe turi im që sapo kam nisur. Është një tur bashkëbisedimi dhe dëgjimi, jo vetëm i halleve, brengave dhe i të vërtetës së hidhur si kjo që është shpalosur sot, por edhe i zgjidhjeve, të cilat duhet të prodhojë një qeveri dhe një parlament që të përfaqësojë interesat e qytetarëve dhe jo interesat e bandave kriminale, siç tregon qartë edhe arrestimi i sotëm.”