Kryetari I PD Lulzim Basha ka akuzuar paraardhësin e tij Sali Berishën se nuk arriti të mbedhë rreth vetes as 25% të delegatëve të kuvendit kombëtar.
Një ditë pasi Berisha vendosi ti dorëzojë firmat në zyrën e kreut të këshillit kombëtar Edi Paloka, Basha deklaroi se Berisha nuk ka respektuar asnjë parashikim statusor, thjesht për faktin se nuk ka arritur të bindë demokratët.
LULZIM BASHA
KRYETAR I PD
“Zoti Berisha ka qenë për një kohë shumë të gjatë kryetar i Partisë Demokratike, e di shumë mirë statutin, rregullat e partisë. E di se si vihen në lëvizje mekanizmat për thirrjen e Kuvendit. Jam thellësisht i zhgënjyer nga tallja që ka bërë me demokratët dje duke fshehur blofin e tij dhe mungesën e firmave për ¼ e anëtarëve të Kuvendit që do të vinin në lëvizje mekanizmin për thirrjen e Kuvendit. Nëse do ti kishte mbledhur do kishte dorëzuar sipas statutit që të nisnin procedurën statutore që ai e njeh shumë mirë. Dhe fakti që ai se ka bërë, çdo demokrat e kupton pse s’e ka bërë sepse e gjitha ka qenë një blof. Dhe atë që e nisi si betejë gjoja për demokratizimin e Partisë Demokratike përfundoi si betejë për hallet e tij personale dhe për pushtetin e tij personal.”
Në një qëndrim të ri Basha ka deklaruar se kuvendi do të mblidhet gjithnjë në respekt të statutit.
“Kuvend Kombëtar sa herë të jetë i nevojshëm jam i gatshëm ta thërras unë, sa herë të jetë i nevojshëm jam i gatshëm të thërras Kuvend për demokratët dhe Kuvend të demokratëve. Dua ta hedh poshtë gënjeshtrën se PD dhe kryetari i saj nuk duan Kuvend. Jo. Ajo që kam thënë këtu dhe kudo tjetër është se Kuvend dhe institucion i PD nuk do të marrë në shqyrtim vendimet e qeverisë amerikane dhe Partia Demokratike nuk do të kthehet në bunker për hallet as të Sali Berishës të dhe askujt tjetër.”
Basha ka sulmuar ashpër Sali Berishën se po bashkëpunon me Edi Ramën për të dëmtuar partinë.
“Kemi të dhëna që regjimi është bërë pjesë e përpjekjes për një puç brenda Partisë Demokratike.”
Basha I ka drejtuar një mesazh të drejtpërdrejtë Sali Berishës.
“ Kam vetëm një thirrje dhe një ftesë Sali Berishës.Nuk i kishe firmat dhe nuk i dorëzove te organet statutore ashtu siç i di fare mirë rregullat e kësaj partie se ke qenë kryetar i kësaj partie. Boll harxhove kohën dhe energjitë e demokratëve, boll ndihmove Edi Ramën! Partia Demokratike do bëjë gjithçka nën lidershipin e zgjedhur që kundërshtarin e vetëm të Shqipërisë dhe armikun e vërtetë të përditshmërisë së shqiptarëve, Edi Ramën”
Mbrëmjen e së mërkurës mbështetësit e Berishës vendosën ti dorëzonin firmat e 4200 delegatëve të kuvendi në zyrën e Edi Palokës, I cili është rreshtuar në krah të liderit historik të PD. Si pasojë e këtij vendimi sekretari I përgjithshëm deklaroi se PD nuk mund të mbyllet në kasafortë e nuk ka kuvend pa verifikim të firmave.
Vetëm në mbrëmje vonë Sali Berisha sqaroi se cilido anëtar I partisë mund ti shohë firmat duke premtuar transparencë.
Statute I partisë demokratike I njeh të drejtën delegatëve të mbledhin vete kuvendi, por nuk ka asnjë parashikim për procedurë që ndiqet në këtë rast, për më tepër nuk ka as precedentë, dhe të palët po shfrytëzuar boshllëkun ligjor për të mbrojtur pozicionet e veta.
