Lideri i opozitës Lulzim Basha ka akuzuar qeverinë Rama për situatën e vështire ekonomike. Ketë akuze Basha e ka mbështetur tek numri prej 1747 biznesesh qe janë mbyllur ne muajin janar. Ne nje postim ne rrjetet sociale kreu i PD Basha thekson se mbyllja e këtyre bizneseve eshte klithma per nevojën e nje ndryshimi te madh jo vetem ekonomik, por edhe politik. “Zgjidhni vetë kujt i besoni, dokrrave që predikon Edi Rama për rritje dhe mirëqenie, apo vendimit të dhimbshëm që kanë marrë në janar 1747 biznese për të mos ushtruar aktivitetin, për shkak të taksave të larta, agresionit qeveritar, rënies së konsumit e mungesës së perspektivës,” shkruan Lulzim Basha.
