Kreu i grupit parlamentar të PD i është përgjigjur ish-ministres Olta XhaJka, pas fjalës së saj në Parlament.
Bardhi tha se Xhaçka fshihet nga drejtësia, teksa bashkëshortit të saj i është dhënë pronë publike me letra të falsifikuara.
“Nuk ka asnjë pretendim jashtë atyre që ka thënë opozita që nuk janë konfirmuar nga prokuroria. Rezulton që në pronën që Edi Rama i ka dhënë bashkëshortit të zonjës që bëri prokuroren këtu, 11 mijë metra katrorë pronë publike me letra të falsifikuara.
Nëse zonja pretendon se gjithçka ka thënë opozita nuk qëndron, pse fshihet dhe nuk shkon në Gjykatën Kushtetuese.
“Pse është lidhur pas pantallonave të Edi Ramës dhe nuk shkon në Gjykatën Kushtetuese. Pse fshihet nga drejtësia. Nga drejtësia fshihen kriminelet, fshihen hajdutët”, tha Bardhi. /vizionplus.tv
