Sekretari i Përgjithshëm i PD, Gazment Bardhi, iu kundërpërgjigj deklaratave të Ramës në seancën plenare të kuvendit këtë të mërkurë mbi domosdoshmërinë e operacionit “Anti-KÇK”.
Bardhi i bën thirrje Ramës që operacioni “AntiKÇK” të nisë punën nga vila luksoze 2 milionë euro e kryeministrit dhe nga shtëpitë e padeklaruara të Sandër Lleshajt.
Sekretari i PD shton se me një drejtësi reale, Edi Rama dhe ministrant e tij do të kishin përfunduar pas hekurave si pasojë e vjedhjes së pasurisë publike.
Prej 6 vjetësh, Edi Rama është kryepolic, kryegjykatës dhe kryeprokuror dhe në vend që të luftojë krimin në çdo qelizë të shtetit, ka futur në burg mbi 30 mijë qytetarë që nuk paguajnë dot faturën e ujit dhe të energjisë elektrike. Nëse Edi Rama do ta kishte lënë të lirë drejtësinë, Edi Rama do të kishte përfunduar pas hekurave të burgut si kryeministri që ka vjedhur me ministrat dhe me kriminelët e tij me qindra milionë euro para dhe pasuri publike! AntiKÇK të nisë punën nga vila luksoze 2 milionë euro e Edi Ramës dhe nga shtëpitë e padeklaruara të Sandër Lleshajt!
Rama deklaroi nga kuvendi se bëmave të gjyqtarëve dhe prokuroreve të korruptuar po iu vjen fundi, e po ashtu po iu vjen fundi edhe pasurive kriminale të shumë personazeheve që deri tani kanë qënë të paprekshëm.
