Barcelona fitoi mes vuajtjesh mbrëmjen e të dielës teksa mundi me rezultat minimal Hueskën në transfertë.
Skuadra e Kuman i është mjaftuar një goli të De Jong për të marrë tre pikë të rëndësishëm dhe për nisur vitin më një fitore.
Edhe pse shumë raste të shpërdoruara në pjesën e parë , rezultati u zhbllokua në minutën e 27 .Një kombinim i bukur i Messit, që gjeti të lirë holandezin De Jong, më këtë të fundit që pa shumë vështirësi dërgoi topin në rrjetë.
Pas këtij goli , Barcelona sërish nuk u dorëzua dhe provoi disa herë për golin e sigurisë, por dy herë portieri bëri heroin duke mbajtur në lojë skuadrën e Huesëkës.
Në pjesën e dytë vendasit provuan disa herë të barazonin ndeshjen por gardiani i portës Ter Shtegen ishte në vendin e duhur .
Një fitore e rëndësishme kjo për Barcelonën që regjistron fitoren e 8 në 16 ndeshje dhe pozicionohet në vendin e 5 në kuotën e 28 pikëve , 10 pikë nga Atletiko Madrid i vendit të parë .
