Barcelona shpërdori një rast të artë për të çuar në +10 diferencën nga Reali ndjekës në kampionatin spanjoll.
Katalanasit u mundën në mënyrë surprizë 1 me 0 në transfertë nga Almeria, në javën e 23 të La Ligës.
Ndeshja u vendos nga një gol i Ture në minutën e 24.
Miqtë nuk arritën të ishin kurrsesi kërcënues në pjesën e parë, ndërsa në të dytën 2 momente të Rafinjes nuk mjaftuan që skuadra e Cavit të shmangte humbjen e dytë në këtë kampionat.
Nga ana tjetër, të zotët e shtëpisë morën 3 pikë të çmuara në luftën për mbijetesë.