Barcelona hodhi një hap te rëndësishëm drejt kualifikimit për ne gjysmëfinalet e Kupës se Mbretit ne Spanje, duke mundur ashtu si ne La Liga, tre dite me pare Atletik Bilbao. Katalanasit edhe pse pa Mesin dhe Luis Suarez, nuk u ndalen teksa fituan 2-1 ne San Mames ne takimin e pare te vlefshëm për turin çerekfinal. Skuadra e Luis Enrike zgjidhi gjithçka ne 25 minutat e para. Fillimisht Munir ne minutën e 18 konkretizoi ne gol një aksion ku morën pjese Arda Turan dhe Rakitiç. 7 minuta me vone pas nje përgjumje te vendasve, përfitoi braziliani Neymar, i cili dyfishoi shifrat. Te zotet e shtëpisë provuan te reagonin ne pjesën e dyte pavarësisht këtyre shifrave, por ngushtimi i rezultatit erdhi vetëm ne minutën e 89 kur pas nje gabimi te Dani Alves, San Hoze dhuroi nje top per Aduriz, qe shënoi ne portën kundërshtare. Shume emocione por asnjë gol, ne Vigo ne sfidën tjetër mes Celta dhe Atletikos se Madridit, ndërsa tashme pritet te zgjidhet ne ndeshjen e kthimit ne Vicente Calderon. Rezultati 0-0 ne fakt nuk i përkon lojës se zhvilluar me shume raste për gol nga te dy skuadrat si Celta ashtu dhe Atletiko. Sonte ne mbrëmje do te luhen dy takimet e tjera te vlefshme per çerekfinalet e Kupës se Mbretit, te cilat do te transmetohen drejtpërdrejt dhe ekskluzivisht ne platformën Tring. Ne orën 20:00 ne Mestalla, Valencia pret Las Palmas, ndërsa ne Ramon Sanchez Pizuan vendasit e Sevilla sfidojnë surprizën Mirandes.
