Përfundojnë 2 ndeshjet e kthimit çerekfinale në Ligën e Kampioneve. Edhe pse përmbysi rezultatin e ndeshjes së parë, Barcelona nuk ia doli të priste biletën për në gjysmëfinale. Katalanasit u mposhtën 1-2 nga Atletico Madrid në “Wanda Metropolitano”.
Katalanasit treguan dëshirë të madhe dhe shënuan dy herë në pjesën e parë me Yamal dhe Torres. Lookman ngushtoi shifrat në fund të fraksionit.
Në pjesën e dytë, Barça “tundi rrjetën” me Torres, por goli u konsiderua i parregullt për Offside.
Eric Garcia la skuadrën e Flick me një lojtar më pak, pasi u ndëshkua me karton të kuq 10 minuta nga fundi. Shifrat nuk ndryshuan deri në vërshëllimën përfundimtare, me Barcelonën që kthehet në shtëpi përpara kohe.
PSG nuk fal dhe shkon në gjysmëfinale. Kampionët e Europës, pasi mundën 2-0 në ndeshjen e parë Liverpool, përsëritën veten në takimin e kthimit dhe fituan 2-0.
Me rezultatin e përgjithshëm 4-0 kampionët në fuqi të PSG-së gjejnë gjysmëfinalen dhe presin të përballen me fituesin e çiftit Bayern Munich – Real Madrid. Për PSG-në të dy golat u shënuan nga ‘Topi i Artë’ Ousmane Dembele në minutat 72 dhe 90+1.
