Barcelona ka humbur shansin për t´u ngjitur në krye të La Ligës dhe për të hedhur një hap më të sigurt për fitimin e titullit kampion. Katalanasit nuk arritën të ruajnë avantazhin prej dy golash ndaj Levantes duke përfunduar ndeshjen në barazim 3-3.

Ekipi i Kuman e nisi vrullshëm sfidën ku pas 25 minutave lojë, i zakonshmi Lionel Messi shënoi një gol mjaft të bukur duke i dhënë avantazhin skuadrës. Ndërkohë në të 34-ën Pedri gjeti golin e dytë pas një aksioni model të katalanasve. Kaq mjaftoi për pjesën e parë dhe u duk sikur Barça do të korrte me lehtësi tre pikët, por në 45 minutat e dyta Levante hyri në fushë me një fytyrë tjetër ku në dy minuta arriti të vinte gjithçka në barsapeshë. Fillimisht Melero në të 57-ën dhe me pas Morales në të 59-ën.

Dembele riktheu avantazhin për katalanasit, i cili zgjati deri në minutën e 83, kur Sergio Leon shënoi për vendasit dhe siguroi 1 pikë për skuadrën e tij. Pas këtij rezultati, Barça ndodhet në vend të dytë me 76 pikë, 1 më pak se kryesuesit e Atletico, që tashmë kanë shansin të thellojnë diferencën nëse fitojnë sot në mbrëmje me Sociedadin.

Ndërkohë në Seria A, Napoli është treguar i pamëshirshëmë ndaj Udinezes, duke e mposhtur me rezultatin e thellë 5-1. Për të kaltrit e Gatuzos shënuan fillmisht Zelinksi dhe më pas Fabian Ruiz. Ndërkohë Okaka ngushtoi diferencat përkohësisht pasi në 45 minutat e dyta, Lozano, di Lorezo dhe Insigne nuk u kursyen ndaj kundërshtarit. Një fitore e rëndësishme për Napolin në luftën për të siguruar një vend që të çon në Champions League, pasi tashmë e shohin veten në vend të dytë me 73 pikë, 1 më shumë se Atalanta dhe Milan që kanë një ndeshje më pak.

 

 

 

 

Leave a Reply

Your email address will not be published.