Barcelona, Atletik Bilbao, Celta Vigo dhe Las Palmas ishin 4 skuadrat e radhës, te cilat prenë biletën per ne çerekfinalet e Kupës se Mbretit ne Spanje, nje ekskluzivitet i platformës Tring. Ne takimin me te rendesishem ne Kornela El Prat, skuadra e Luis Enrikes fitoi një tjetër derbi katalanas kundër Espanjol kete radhe me rezultatin 2-0. Pa Neymar dhe Luis Suarez, por me lojtarin me te mire te botes Mesin qe nga minuta e para, miqtë përsëri arritën te dominonin duke shënuar nga nje gol ne secilën pjese. ketë here ylli i mbrëmjes ishte Munir autor i dy golave. Fitore ne fushën kundërshtare arriti edhe Atletik Bilbao. Ne El Madrigal basket fituan me rezultatin minimal 1-0 ndaj vendasve te Vijareal, duke vazhduar me tej aventurën ne Copa Del Rey. Autori i golit te vetëm ishte Injaki Uiliams ne minutën e 21. Pa probleme edhe Celta Vigo qe ne Balaidos mundi 2-0 modestet e Kadiz. Edhe ne ketë ndeshje la shenje suedezi Guideti, ndërsa shifrat përfundimtare u vulosen nga talenti serb Drazhic. Las Palmas arriti te njëjtin rezultat 3-2 ndaj Eibar ashtu si ne ndeshjen e pare. Edhe pse vendasit e mbyllen pjesën e pare ne avantazh, basket e Eibar iu përgjigjen me dy gola te shpejte ne harkun kohor te nje minute me fillimin e pjesës se dyte, por nuk arritën te mbanin rezultatin ne favor te tyre, duke u detyruar ta nxjerrin topin edhe dy here te tjerë nga rrjeta deri ne fund te takimit. Sot ne platformën Tring te apasionuarit e futbollit spanjoll do te kenë mundësi te ndjekin dy sfidat e fundit te vlefshme për 1/8-at. Ne orën 20 Granada përballet me Valencian, ndërsa 30 minuta me vone Altetiko do te ndeshet ne derbin e vogël te Madridit ndaj Rajo Vajekano.

Leave a Reply

Your email address will not be published. Required fields are marked *