Barcelona fitoi 4-1 ne fushën e Granades, duke qëndruar vetëm dy pike pas krahëve te kryesuesve te Real edhe pas javës se 29 te kampionatit spanjoll. Luis Enrike pa Mesin e s’kualifikuar i besoi Rafinjes për te bere treshen sulmuese, por ky i fundit i pafat kur doli i dëmtuar nga fusha e lojës ne minutën e 17. Goli i pare për katalanasit do te vinte vetëm ne fundin e pjesës se pare kur Luis Suarez mposhti portierin kundërshtar.
Por me fillimin e pjesës se dyte, Granada surprizoi jo pak kur barazoi shifrat me Boga. Ekuilibri zgjati vetëm 14 minuta pasi ne te 64-en ishte Paco Alcaser i futur ne vend te Rafinjes qe kaloi përsëri ne avantazh Barcelonën. Ne fundin e takimit gjithçka foli per miqtë, duke mos pasur shume histori. Agbo ne minutën e 82 la vendasit me nje lojtar me pak, ndërkohe qe Rakitiç, nje minute me vone, shënoi golin e trete. Ne minutën e pare te shtesës, braziliani Neymar vulosi shifrat përfundimtare 4-1 me Barcelonën qe tregoi edhe njëherë se do te rivalizoje deri ne fund me liderët e Realit për titullin kampion te sezonit.
