Barcelona e pafat, humbet edhe kapitenin

Dëmtimet vazhdojnë të godasin gjigantët e futbollit spanjoll. Pas Realit që ka humbur mbrojtësin Lukas Vaskez, mbrëmë ka qenë Barça të humbasë një mbrojtës.

Kapiteni Ronald Arauho është detyruar të lërë fushën e lojës i dëmtuar pas një goditje të fortë që ka marrë në kavilje.

Mbrojtësi uruguaian e ka pasur të pamundur të vijojë takimin, teksa në Barcelonë presin me akth rezultatin e analizave për të parë shkallën e dëmtimit të tij.