Barcelona është fituesja e trofeut te pare ne Spanje megjithëse finalja e Superkupes është zhvilluar ne Tanzher te Marokut.
E përfshirë nga debatet për lejimin ose jo te me shume se tre ekstrakomunitareve dhe kërcënimeve te Seviljes për bojkot,takimi është zhvilluar dhe ka nisur mjaft mire për Andaluzet.
Ne minutën e 9 Pablo Sarrabia shënon ne portën e Terstegen pasi Muriel vallëzoi mes tre mbrojtësish dhe pasoi ne momentin e duhur. Megjithëse anësori ngriti flamurin për pozicion jashtë loje gjyqtari Karlos Del Serro e akordoi me te drejte golin.
Barcelona me Mesin kapiten gjen golin e barazimit ne minutën e 42 me ane te Gerard Pike.
Mbrojtësi shfrytëzoi me se miri një top te kthyer nga shtylla pas një goditjeje perfekte dënimi nga Messi dhe skuadrat shkojnë ne dhomat e zhveshjes ne barazim.
Ne pjesën e dyte skuadrat patën rastet e tyre për te shënuar por portierët ishin ne lartësinë e detyres.
Por ne minutën e 78 Messi nis një goditje dënimi shpejt për Dembelene dhe ky i fundit lejohet te godasë nga jashtë zone dhe shënon një super gol për katalanasit.
Ne te ‘90 Aeiks Vidal pengohet ne zone nga Tershtegen dhe gjyqtari akordon penallti për Sevijen. Nga pika e bardhe Ben Jeder gabon totalisht duke e çuar topin ne duart e gjermanit qe nuk e lëshon më. E gjithë festa është për katalanasit.
Ne gjermani superkupa kishte një shije te veçante pasi ishte një rikthim i trajnerit te ri te Bayernit Niko Kovac ne stadiumin ku fitoi trofeun e kupës vitin e shkuar.
Megjithatë Ajntrahti i Frankfurtit është shkatërruar totalisht nga Bavarezet, qe kane rigjetur Levandovskin. Polaku sikur ka rilindur me trajnerin e ri dhe ka shënuar dy here ne pjesën e pare.
Ne te ‘21 pas një krosimi nga e djathta numri 9 e goditi fort me koke topin dhe e beri te pakapshëm nga portieri. Pak minuta me vone serish me koke i jep një force te madhe topit dhe ai ndalet vetëm ne rrjete.
Ne pjesën e dyte megjithë përpjekjet e Frankfurtit për te reaguar është Levandovski qe shënon ketë here me këmbë nga kufijtë e zonës se rreptësisë.
Bajerni shënon edhe dy here te tjera me Koman dhe Tiago edhe pse 15 minutat e fundit i luajtën me një lojtar me pak për shkak te dëmtimit te Alabes pasi ishin kryer te gjitha zëvendësimet.
