Barça vs Real, sfida që ndez Spanjën

Lufta per një vend ne Champions League ne edicionin e ardhshëm eshte bere shume e ashpër ne Bundesige. Bayer Leverkusen mundi pastër 3 me 0 Volfsburgun ne ndeshjen e parë të javës së 28 duke marrë përkohësisht vendin e 4 në renditje me 45 pikë, 1 më shumë sesa Schalke dhe 3 më shumë se Borusia Mynsheglebdah që ende nuk e kanë luajtur ndeshjen e tyre të kësaj jave. Golat për Leverkusen kundër Volfsburg janë shënuar nga Julian Brandt, Hernandez dhe Yourchenko. Ujqerit ndërkohe tashmë janë shumë larg zonës Champions. Ndërkohe ne France, Monaco e vendit te dytë u mposhte në shtëpi nga Bordo me rezultatin 1 me 2 në takimin e parë të javës së 32. Skuadra e Principatës bëri një hap tyë gabuar në drejtim të ruajtjes së vendit të dytë pavarësisht se ka një distancë 5 pikëshe nga Nice dhe 6 nga Lioni i vendit të 4. Ture dhe Ounas i çuan shifrat deri ne 0 me 2 për miqtë që në minutën e 56 ndërsa goli I nderit për Monaco u shënua në fund nga Guilbert. Ne Spanje vëmendja këtë të shtunë është e përqendruar tek El Klasiko, që ndryshe nga vitet e fundit në këtë edicion nuk duket se ka ndonjë rendësi të madhe për nga rezultati. Kjo pasi Barcelona kryesuese ka një diference 10 pikëshe nga Reali i vendit të trete. Megjithatë dueli me i madh i La Liges që do të luhet në “Kamp Nou” do të ketë sërish interes pasi rivaliteti mes këtyre dy klubeve ka qenë ngaherë shumë i madh, për më tepër për yjet që kanë ekipe kanë në organike. Los Blankos kërkon revansh pas humbjes turpëruese 0 me 4 në takimin e parë, ndërsa Barcelona synon të dërrmoje edhe me shumë rivalin e vet historik.