Largimi i Neymar drejt PSG, e ka tronditur shume ambientin katalanas. Tifozët blaugrana janë të frikësuar se mos ndoshta largimi i yllit brazilian do të dobësoje shumë ekipin e tyre te zemrës në raport me rivalin e madh për titull Real Madrid.
Neymar është një lojtar që nuk zëvendësohet lehte, pasi kishte formuar një treshe të frikshme sulmuese me Messin dhe Suarez, ndoshta nga më të fortat ne histori. Megjithatë presidenti Bartomeu nuk do te qëndroje duarkryq dhe referuar mediave sportive spanjolle,e kryesisht gazetave katalanaasve “sport” dhe El Mundo Deportivo, numri një i klubit katalanas ka vendosur ta shpenzoje të gjithë shumen e fituar nga largimi i Neymar prej 222 milion euro.
Madje bëhet e ditur se tani është marrë edhe Ok-i i tre lojtarëve që do të përforcojnë skuadrën e Valverdes. Bëhet fjalë për mbrojtësin e Real Sociedad, Inigo Martinez, të cilit do t’i paguhet klauzola e prishjes se kontratës prej 32 milion euro. Ndërsa 190 milion euro të tjera do të jenë të gjitha për brazilianin Kutinjo te Livepool dhe talentin francez te Dortmund, Dembele.
Në rastin më të mirë Kutinjo dhe Dembele do të kushtonin të dy 150 milion euro, në rastin më të keq 190 milion euro. Për Barcelonën, ky nuk është asnjë problem, madje nuk është çudi që me largimin e tre lojtarëve Arda Turan, Rafinja dhe ndoshta Andre Gomesh, skuadra të hidhet në sulm edhe për një lojtar tjetër mes Verratit ose Di Marias, të dy lojtarë të Psg. Alternativat e tjera si Hazard, Dybala ose Griezman për momentin janë më pak të kuotuara.
