Barça në “ferrin” e Atletikos, Benfika vs Bajern

Magjia e Uefa Champions League vazhdon sonte ne mbrëmje ne platformën Tring dhe Vizion Plus me dy takimet e tjera te kthimit te vlefshëm per raundin çerekfinal. Ne “Vicente Calderon” pritet te jete nje “ndeshje ferri” per Barcelonën kundër vendasve te Atletikos, te paktën kështu e etiketojnë mediat spanjolle këtë ndeshje si “mëmën” e te gjitha betejave. Katalanasit kane fituar ne takimin e pare 2-1, por skuadrës se Simeones i mjafton një rezultat minimal 1-0 per te prere biletën ne gjysmëfinale. Historia është ne favor te Il Colchoneros, te cilët e kane eliminuar ne çerekfinale Barcelonën ne sezonin 2013-2014. Skuadrat po përjetojnë momente te ndryshme këto kohe. Skuadra e Luis Enrikes vjen pas dy humbjeve radhazi ne kampionat, ndërsa madrilenet nga dy fitore qe i kane lejuar te jete tashme tre pike larg kryesuesve ne renditje. Per vendasit mungojnë Fernando Torres i pezulluar, dhe Tiago i dëmtuar. Ne kampin kundërshtar francezi Metju ndërsa Aleix Vidal është ne dyshim. Ne një tjetër stadium te zjarrte, Da Luz, Benfika kërkon kualifikimin ndaj nje pretendenteve kryesore te këtij sezoni Bajern. Gjermanet fituan ne takimin e pare 1-0 një rezultat i papritur pasi mendohej nje përballje qe do te ishte totalisht ne favor te skuadrës se Guardioles. Tre here me pare janë përballur skuadrat ne histori dhe ne te gjitha keto raste ku janë përballur, Bajern me pas ka prekur finalen. Mungesa e madhe e shqiponjave te Benfikes është bomberi brazilian Jonas i pezulluar ndërsa ne Infiermeri vazhdojnë te jene portieri Julio Cezar, Lisandro Lopez dhe Nuno Santos. Për Bajernin dy lojtaret e përhershëm te qendrës se mbrojtjes Badshtuber e Boateng, te cilëve u janë shtuar tashme edhe Arjen Roben dhe Begatia.