Një autoironi për drejtimin e vendit dhe disa batuta ndaj kandidatit republikan Donald Trump. Kështu ka zgjedhur të flasë presidenti amerikan Barak Obama në darkën e fundit të tij me gazetarët, në përfundim të mandatit të tij 8 vjeçar. Kreu i Shtëpisë së Bardhe e nis fjalimin e tij me një batutë për Klinton, duke e parë atë si presidenten e ardhshme të Amerikës, për të kaluar në disa batuta radhazi mbi eksperiencat e tij.
“Vitin tjetër një tjetër person do të jetë në këtë foltore, dhe ju e dini se kush do të jetë ajo…
8 vjet me parë isha një djali i ri, me idealizëm dhe energji. Me shikoni tani….I thinjur, duke numëruar ditët deri ne vdekje.
Disa liderë botërore presin largimin tim, javën e kaluar princi Xhorxh u shfaq me robdesham. Kjo ishte një shpulle ne fytyre, një thyerje e qarte e protokollit.
Por, ndërsa isha ne Angli hëngra dreke me shkëlqesinë e saj, mbretëreshën. Ndoqa një shfaqe të Shekspirit, luajta golf me kryeministrin Kameron, gjithë këto aktivitete sa te gjithë pyeten: a jam mjaftueshme i zi (me ngjyre)?”
Por Obama nuk ka lënë jashtë fjalimit të tij as kandidatin republikan Trump:
“Republikanet janë dyshues se ai është kandidati më i pëlqyer. Ata thonë se Donald Trump nuk ka eksperiencë në politikën e jashtme për t’u berë president. Por për të qenë të sinqertë, ai ka kaluar vite në takime me liderë nga gjithë bota: Mis Suedinë, mis Argjentinën, mis Azerbajxhanin.
A i shkon përshtatë kjo darkë Donadit? Çfarë mund të jetë duke bërë tani? Mos është në shtëpi duke ngrënë një biftek “alla trump”? Mos po shkruan në twitter kundër Merkel? Ç’po bën vallë?”
Presidenti Obama zgjodhi kete gjest per te përmbyllur misionin e tij si president i Shteteve te Bashkuara, çka u pasua nga nje stand in ovation.
