Banorët e Astirit marshojnë të parët, hidhen flakadan drejt Kryeministrisë

Banorët e Astirit kanë marshuar të parët në drejtim të Kryeministrisë.

Me sloganin “Qeveri e krimit”, banorët e Astirit janë vendosur para Kryeministrisë.

Ndërkohë që në nisje të protestës edhe pse liderët politikë të opozitës nuk kanë dalë akoma, protestuesit kanë hedhur flakadanë e në drejtim të forcave të policisë.

Në protest nuk ka munguar as slogani “Mbro teatrin” si dhe “Qeveri e korruptuar”.

Kjo është protesta e tretë kombëtare e zhvilluar nga opozita dhe e teta në total me gjithë ato të zhvilluara para Parlamentit.