“Java e Parasë” është angazhimi më i ri i Bankës së Shqipërisë dhe Ministrisë së Arsimit, që synon edukimin e brezave në raport me lekët dhe menaxhimin e tyre.
Ky organizim vjen në kuadër të nismës ndërkombëtare të organizatës për bashkëpunim dhe zhvillim ekonomik.
Nën moton “kujdesu për veten, kujdesu për paranë” nënvizohet rëndësia e njohjes së tregut financiar, i cili është gjithnjë në zhvillim e sipër përmes dixhitalizimit.
Guvernatori i Bankës Qendrore dhe ministrja e Arsimit e vunë theksin tek edukimi i brezave të rinj mbi rëndësinë dhe menaxhimin e të ardhurave në të ardhmen.
