Një tjetër institucion ndërkombëtar apelon për një klimë më të qetë politike, pasi kriza të tilla kanë impakt të drejtpërdrejt në ekonomi.
Banka Botërore ka evidentuar si një kërcënim për ekonominë, krizën politike, pasi ndikon në klimën e biznesit. Këtë qëndrim, mbajti përfaqësuesja e BB teksa prezantoi raportin ekonomik për Ballkanin Perëndimor.
Duke u ndalur tek situata aktuale ekonomike, Banka Botërore ka edhe sugjerime për qeverinë shqiptare, siç janë sigurimi i qëndrueshmërisë fiskale, si dhe përmirësimi i mëtejshëm i klimës së biznesit.
Sipas raportit të BB, gjatë viteve të ardhshme ekonomia parashikohet të rritet me 3.5 %, por ky nivel mund të cenohet vetëm nga krizat politike.
