Policia e Kurbinit arrestoi një 34-vjeçar nga Fushë –Mamurrasi, pasi gjatë kontrollit në banesë dhe magazinën e lokalit në pronësi të tij u gjetën drogë, tritol dhe municione.
Në pranga ra shtetasi Zef Marku 34-vjeç.
Gjatë kontrollit, janë shoqëruar në ambientet e policisë për verifikim 10 persona, kryesisht me precedentë penalë për armëmbajtje pa leje, vjedhje dhe prodhim e shitje të lëndëve narkotike.
Sipas policisë në banesën e Zef Markut u gjetën: 2 kallepë lëndë plasëse, 3 kapsolla elektrodetonatore, 1 granatë defensive, 310 fishekë, 130 gr. lëndë narkotike e dyshuar marijuanë, 1 mjet me targa që i përkasin një mjeti tjetër, 20 celularë dhe 3 numra telefoni, si dhe një sër veglash pune dhe pajisje elektronike dhe elektroshtëpiake.