Klubi i Partizanit është dënuar me 2 ndeshje pa tifozëve, për atë banderolë raciste të hapur në ndeshjen ndaj Skënderbeut, në stadiumin “Selman Stërmasi”.
Komisioni i Disiplinës në FSHF në vendimin e saj në lidhje me këtë shkak dhe për sjelljen e gabuar të tifozëve, e ka dënuar skuadrën kryeqytetase të luajë dy ndeshje me dyer të mbyllura.
Gjithashtu ekipi i Skënderbeut, është dënuar me 50 mijë lekë gjobë, për sjellje të gabuar të spektatorëve. Të njëjtën gjobë kanë marrë edhe Flamurtari e Tirana.
Ndërkohë në banderolën e cila mori vëmendje të madhe nga mediat greke dhe që u komentua nga shumë personazhe të politikës në vendin tonë, shkruhej “Një grek më pak, një bastard më pak”, referuar vrasjes së minoritarit në Gjirokastër që ka rritur tensionet mes dy vendeve.
